ريفيوهاتالعنايه بالشعر
ريفيو … شامبو بندولين من اجمل انواع الشامبوهات الى استخدمتها
السلام عليكم ازيكم يا بنات هكلمكم انهاردة عن الشامبو الجميل ده وهو شامبو بندولين هو المفروض للأطفال
بس بجد ده من أجمل أنواع الشامبو إللي استخدمتها في حياتي
طبعا هو بما إن شامبو بندولين للأطفال فهو خفيف على فروة الراس ومش بينشف الشعر خالص
وكمان آمن على الاطفال ومش بيخليهم يدمعوا لإنه خالي من السلفات والبارابين والصوديوم
التلات حاجات دول موجودين في اغلب الشامبوهات للأسف وهما العامل الأساسي لتلف الشعر وتقصفه
اقرائ ايضا :- الرؤوس السوداء .. نصائح وارشادات للتخلص منها للابد
– اهم مميزات شامبو بندولين
الشامبو ده بينضف الشعر من غير ما يضره لإنه مفهوش المواد الكيميائية الضارة وكمان في زيت الجوجوبا وزيت الارجان وجلسرين و بروتين طبعا واضح من مكوناته إنهم بيساعدوا ع ترطيب وتقوية الشعر
مش بحتاج أحط بلسم على شعري بعديه بس لو شعرك جاف أصلا ممكن تحطي بلسم أو تعملي ماسك لشعرك الأول أو حمام زيت وبعدين تغسلي شعرك بالشامبو ده
– ازاى اشترى شامبو بندولين
الشامبو لونه بيبي بلو كيوت وجميل آوي 
بالنسبه لـ سعر شامبو بندولين مكتوب عليه ب ١٢٥ بس أنا جبته من صيدليات ١٩٠١١ كانوا عاملين عرض ب ٩٥ وفي حجم اصغر منه ب٨٠ اعتقد وموجود على سوق كمان
شامبو من غير رغوه
ملحوظة بما إن الشامبو خالي من الصوديوم فهو مش بيطلع رغوة كتير ممكن تحسوا إن فروة الراس منضفتش عشان مفيش رغوة لأننا متعودين على الرغوة وإن الرغوة بتنضف الشعر لكن الحقيقي هو بينضف الشعر جدا بدون رغوة قوية
