ريفيو عن مزيل المكياج من جارنييه بماء الميسيلار
النهاردة هكلمكم عن مزيل المكياج من جارنييه بماء الميسيلار
اولا هو في منه انواع مختلفة مناديل وزيتي ومياه هنتكلم عن المياه العادي زي اللي فالصورة ده الحجم الصغير ب 40 ج كنت جيباه من موقع سوق
ثانيا رأيي الشخصي فيه :-
- هو خفيف اوي عالبشرة ومناسب لكل انواع البشرة
- حاجة فيه بجد انه مفهوش اي ريحة زي ما مكتوب
- يعني ممكن تمسحي بيه مكياج العيون هيبقا حلو جدا ومش هيسبب حساسية
- هو مناسب للمكياج الخفيف لو مكياج تقيل هتحتاجي تمسحي المكان اكتر من مرة
- ممكن تستخدميه ك تونر ينظف البشرة من اي زيوت او بواقي مكياج قبل النوم
- مكتوب انه ميتغسلش بس الافضل اغسلي وشك بس بميه بعديه وهو مش بيلزق خالص
ثالثا كيفية استعمال مزيل للمكياج – غارنييه ماء ميسيلار
كل ما تحتاجينه لإزالة آثار المكياج والأوساخ المتراكمة عن وجهك هو وضع القليل من غارنييه ماء ميسيلار على كرة نظيفة من القطن ومن ثم وزعي غارنييه ماء ميسيلار على كامل الوجه والشفاه والرقبة واتركيه لخمسة ثواني فقط ثم امسحي بلطف، ما يميز غارنييه ماء ميسيلار عن غيره أنه لا يوجد أي حاجة إلى فرك الوجه أو الغسل بالماء
والنتيجة: بشرتك نظيفة ومنعشة فوراً.
بأختصار هو جميل جدا كـ مزيل المكياج الخفيف لو مكياج تقيل هتستخدمي كمية كبيرة منه سعره مناسب جدا مقارنة بسعر مزيل مكياج بايوديرما
لو في اي سؤال اكتبوه وهرد عليكم ❤❤ متنسوش تتابعوني علي انستجرام و الفسبوك عشان تشوفوا تجاربي لمنتجات تانية .
